Бүгін мектебімізде сынып жетекшілер апталығының салтанатты ашылуы өтті.

Бұл апталық – шәкірт тәрбиесінде ерекше рөл атқаратын сынып жетекшілерінің еңбегін дәріптеуге, олардың тәжірибесімен бөлісуге және шығармашылық қабілеттерін дамытуға арналған маңызды шара.

Ашылу барысында ұстаздарға жылы лебіздер айтылып, апталықтың жоспары таныстырылды. Алдағы күндері түрлі ашық тәрбие сағаттары, тренингтер мен қызықты іс-шаралар ұйымдастырылатын болады.

✨ Сынып жетекшісі – оқушының екінші ата-анасы, бағыт-бағдар беруші тұлға. Осындай игі бастама барлық ұстаздарға шабыт сыйлап, жаңа жетістіктерге жетелейді деп сенеміз!